पुसद शहरातील दूध ले – आऊट मध्ये २ लाख ४९ हजाराची घरफोडी….
पुसद शहरातील दूध लेआउट येथे अज्ञात चोरट्याने रात्रीच्या वेळेस घरात प्रवेश करून सोन्याचे दागिनेसहा रोख रक्कम चोरून नेल्याची घटना उघडकीस आली आहे. सदर चोरी प्रकरणी वसंतनगर पोलीस ठाण्यात अज्ञात चोरट्या विरोधात विविध कलमानव्ये गुन्हे दाखल करण्यात आले आहे.
प्राप्त माहितीनुसार पुसद शहरातील दूधे ले आऊट येथे राहणारे मोहम्मद अकील मोहम्मद रफीक वय ५२ वर्ष हे दवाखान्याच्या कामानिमित्त बाहेर गावी गेले होते. बाहेरगावी गेल्याच्या फायदा घेत चोरट्यांनी रात्रीच्या वेळेस घरच्या मागच्या गेटचे कुलूप तोडून आत प्रवेश करून घरामधील अलमारी मध्ये ठेवलेले सोन्याचे दागिने किंमत १ लक्ष ९४ हजार व रोख रक्क ५५ हजार असा एकूण २ लक्ष ४९ हजाराचा मुद्देमाल चोरून नेला. घरमालक मोहम्मद अकील हे १८ जानेवारी रोजी सकाळी घरी आल्यानंतर त्यांना घरी चोरी झाल्याचे निदर्शनास आल्याने त्यांनी तात्काळ वसंत नगर पोलीस स्टेशन गाठून घरात चोरी झाल्याची माहिती देऊन तक्रार दाखल केली आहे. त्यांच्या तक्रारीवरून वसंत नगर पोलिसांनी अज्ञात चोरट्या विरोधात विविध कलमानये गुन्हे नोंदवून चोरट्याच्या शोध घेण्यासाठी श्वानपथक व फिंगर एक्स्पर्ट यांना पाचारण करून पुढील तपास सुरू केलं आहे….
